بېيجىڭ ۋاقتى 4-دېكابىر سەھەر، ئىسپانىيە A بىرلەشمىسىنىڭ 15-ئايلانمىسىدا خان جەمەتى مېھمان مەيداندا  سىھون رىقابەت كوماندىسى بىلەن تۇتۇشتى. دېمارىيا بىر توپ كىرگۈزدى، بىر توپى ۋاراتارنىڭ تۈۋرۈكىگە تەگدى، C رونالدا يەك ئېلىشىشتا بىر توپ كىرگۈزدى، مارسېللو تولۇقلىما مۇسابىقە باسقۇچىدا بىر توپ كىرگۈزدى، كاكا مۇسابىقە مەيدانىغا قايتىپ كەلدى، سىھون كوماندىسىنىڭ ئوتتۇرا مەيدان توپچىسى بىلەن خان جەمەتى مادرېدنىڭ ياردەمچى ترېنېرى قىزىل كارتا جازاسىغا ئۇچراپ مەيداندىن چىقىرىۋېتىلدى، ئەڭ ئاخىرىدا خان جەمەتى مادرېد 3-0 نەتىجە بىلەن رەقىبىنى يەڭدى، شۇنىڭ بىلەن ئۇدا 10 مەيدان غەلبە قىلىپ، بارسېلونادىن ئېشىپ چۈشتى. 

        مۇسابىقە باشلىنىپ 34-مىنۇت بولغاندا دىمارىيا چەكلەنگەن رايوننىڭ سول تەرىپىدىن بۆسۈپ كىرىپ، تۆۋەن سىزىققا يېقىنلىشىپ، نۆل گرادوسلۇق بۇلۇڭدىن تۆۋەن توپ تېپىپ ۋاراتارغا كىرگۈزدى؛ 64- مىنۇتتا C رونالدو چەكلەنگەن رايوننىڭ ئوڭ تەرىپىدىن بۆسۈپ كىرىپ، ۋاراتار بىلەن يەك ئېلىشىپ، توپنى ۋاراتارغا كىرگۈزدى، تولۇقلىما مۇسابىقىنىڭ 1-مىنۇتىدا مارسېللو قارشى تەرەپتىن بۇرۇن توپنى تارتىۋېلىپ، چەكلەنگەن رايوننىڭ سول تەرىپىدىن بۆسۈپ كىرىپ، كۈچەپ تېپىپ توپنى كىرگۈزدى.