ئاشىق-مەشۇقلار بايرىمىدا، گۈل، شاكىلات، ئالماس، iPhone سوۋغا قىلىپ، قارشى تەرەپنىڭ ياقتۇرىشىغا مۇيەسسەر بولۇش، ساھىبجامالنى بىر كۈلدۈرۈش ئۈچۈن، ئاشىق-مەشۇقلار تۈنۈگۈن ھەممە يەرلەردە گۈل كۆتۈرشۈپ يۈرگەن، سوۋغىلار بىر-بىرىدىن يېڭى، گۈلدەستىلەر بىر-بىرىدىن چوڭ. تۈنۈگۈن كىشىنىڭ دىققىتىنى تارتىدىغان ئەڭ رومانتىك كۆرۈنۈش شۈندې دالىياڭ شاڭلىن سودا سارىيى بىناسىنىڭ ئاستىدا يۈز بەرگەن، بىر ئەر چوڭ كىراندىن ئىككىنى ئىجارىگە ئېلىپ، 520 تال كۆك ئەتىرگۈلنى بىنانىڭ 5-قەۋىتىگە ئەچىقتۇرۇپ، قاشى تەرەپنىڭ بالكونىدىن ئېلۋالغان، بىرىنىڭ مۆلچەرلىشىچە، ئىككى كىران ئىجارىگە ئېلىپ گۈل سوۋغا قىلىشقا تەخمىنەن 30 نەچچە مىڭ يۈەنگە يېقىن پۇل كەتكەن .
تۈنۈگۈن چۈشتىن بۇرۇن سائەت 10دىن 30 مىنۇت ئۆتكەندە، شۈندې دالىياڭ شاڭلىن سودا سارىيىنىڭ ئاستىغا ئىككى چوڭ كىران توختىتىپ قويۇلغان بولۇپ كىشىلەر تېخى نېمە ئىش ئىكەنلىكىنى ئاڭقىرالمايلا، بىر مىتىردىن ئېگىزرەك يۆگەلگەن چوڭ بىر دەستە 520 تال كۆك ئەتىرگۈل، كىشىلەرنىڭ كۆز ئالدىدا پەيدا بولغان. پەقەت كىران ئىشچىلىرىڭلا ياغاچ تاختاي بىلەن ئاۋايلىغان پېتى گۈلنى يۇقىرغا يۆتكەۋاتقانلىقىنى كۆرەلىگەن، ياغاچ تاختاينىڭ تۆت تەرىپىگە ئارقان چېگىلگەن بولۇپ ، لەرزان يۇقىرغا ئۆرلەپ، ئۇدۇل 5-قەۋەتكە بارغان. يەنە بىر كىرانمۇ ئوخشاش ۋاقىتتا سېۋەت ئورناتقان، سېۋەتنىڭ ئىچىگە بىر خىزمەتچى خادىم ئولتۇرغان. گۈلدەستە ۋە خىزمەتچى خادىم 5-قەۋەتكە يېتىپ بارغاندا، بىر خانىم بالكونغا چىقىپ گۈلنى قۇبۇل قىلغان، خىزمەتچى خادىم سېۋەتتە تۇرۇپ خانىمغا ئىمزا قويغۇزغان. گۈلدەستە لەرزان 5-قەۋەتكە يەتكۈزۈپ بېرىلگەن.
«بەك رومانتىك بولدى، نېمە دېگەن تەسىرلىك!» ، ۋەقە يۈز بەرگەندىن كېيىن، پۈتۈن يەرلەردە غۇلغۇلا قوزغىغان، كىشىلەر بەس-بەس بىلەن « ھەۋەس قىلغان، كۆڭلى قىزارغان، ئۆچ بولغان» لىقىدەك تەسىرات سۆزلىرىنى دېيىشكەن، ۋەقەدىن كېيىن كۆچۈرۈپ تارقىتىلىشى شۇ ھامان 3000 قېتىمدىن ئېشىپ كەتكەن.
مۇخبىرنىڭ ئىگەلىشىچە، بۇنداق رومانتىك كۆرۈنۈشنى پەيدا قىلغان بىر جۈپ ئەر-ئايال بولۇپ، بىر جۈپ ئوغۇل-قىزى بار ئىكەن. ۋەقەدىكى ئايال باش رولچى مىكروبىلوكىدا «بوشلۇقتا گۈل سوۋغا قىلىشنى مەن كىنولاردىلا بار دەپ ئويلىغان، بۈگۈن ئۆزەمنىڭ باش رولچى بولۇپ قېلىشىنى ئويلىماپتىمەن، بەك ھەيران قالدىم ھەم خوش بولدۇم! كۈتۈلمىگەن ! بەك تەسىرلەندىم ، ئېرىمغا كۆپ رەھمەت» دېگەن.
مەلۇماتلارغا قارىغاندا، 520 تال كۆك ئەتىرگۈل 20 نەچچە مىڭ يۈەن ئىكەن، كىران ئىجارە ھەققىنى، توشۇش ھەققىنى، ئىشچىلارنىڭ ھەققىنى قوشۇپ ھېسابلىغاندا، بۇ قېتىملىق گۈل سوۋغا قىلىش 30 مىڭ يۈەنگە يېقىنلاپ قالغان.
|
ھةمكارلصشصڭ 
