شىنخۇا تورى بۇخارېسىت 26-يانۋار تېلگراممىسى رۇمىنىيىنىڭ جەنۇبى قىسمىنىڭ كۆپ رايونلىرى ئالدىنقى كۈنى بۇ يىل قىش كىرگەندىن بۇيانقى ئەڭ شىددەتلىك قار شىۋىرغان ھۇجۇمىغا ئۇچرىغان. ئۇدا ئىككى كۈن داۋاملاشقان چوڭ قار كۆپلىگەن تاشيول قاتنىشىنى پالەچ ھالەتكە چۈشۈرۈپ قويدى. نۇرغۇن نۆۋەتچى ئايروپىلان ۋە پويىزلارنىڭ ۋاقتى كېچىكتۈرۈلدى ھەتتا بىكار قىلىندى. مىڭغا يېقىن مەكتەپ دەرس توختاتتى. شۇ يەرلىك ئاھالىلەرنىڭ خىزمەت ۋە تۇرمۇشى ئېغىر تەسىرگە ئۇچرىدى.
قار شىۋىرغان 24-يانۋار كېچىدىن باشلاپ رۇمىنىيىنىڭ جەنۇبى رايونلىرىغا ھۇجۇم قلىشقا باشلىغان. كۆپلىگەن رايونلاردا ئەڭ يۇقىرى شامال سۈرئىتى سىكۇنتىغا 20مېتىردىن ئېىشپ كەتكەن. ھاۋارايىدىن مەلۇمات بېرىش ئورۇنلىرى پايتەخىت بۇخارېسىت ھەم جەنۇبى قىسمدىكى 17ناھىيىگە قار شىۋىرغاندىن قىزغۇچ سېرىق رەڭلىك ئاگاھلاندۇرۇش سېگنالى چىقاردى.
رۇمىنىيە ئىچكى ئىشلار مىنىستىرى 26-يانۋار ئېلان قىلغان ئۇقتۇرۇشتا مۇنداق دېدى: جەمئىي 37دۆلەت يولى بىلەن 80ناھىيە-شەھەر يولى قار شىۋىرغان سەۋەبىدىن توسۇلۇپ قالغان. مەملىكەت بويىچە 41ناھىيە ئىچىدە 21ناھىيە بۇ ناچار ھاۋارايى تەسىرىگە ئۇچرىغان. 45يېزا بازار قار بىلەن پۈتۈنلەي قاپسىلىپ قالغان. رۇمىنىيە دۆلەت مۇداپىئە مىنىستىرى ئوپىرىئا شۇ كۈنى 1500 ئوفېتسىر ئەسكەرنىڭ ئاپەت رايونىغا ياردەمگە ئەۋەتىلگەنلىكىنى جاكارلىدى.
بۇخارېستتىكى ئىككى ئايرودروم شۇ كۈنى 20دىن ئارتۇق دۆلەت ئىچى ۋە خەلقئارالىق نۆۋەتچى ئايروپىلاننى بىكار قىلغانلىقىنى جاكارلىدى. مەملىكەتلىك تۆمۈريول يولۇچى تىرانسىپورت شىركىتى 24 قېتىملىق يولۇچى توشۇش نۆۋىتىنى بىكار قىلشىنى قارار قىلىپ، تۆمۈريول قاتنىشىنىڭ ئاساسى جەھەتتىن راۋان بولۇشىغا كاپالەتلىك قىلدى. لېكىن يول يۈرىۋاتقان پويىزلارنىڭ كۆپچىلىكى بىر سائەت ئەتراپىدا كېچىكىپ كەلمەكتە.
بۇنىڭدىن باشقا ناچار ھاۋارايى 700دىن ئارتۇق ئوتتۇرا باشلانغۇچ مەكتەپنىڭ دەرس توختىتىشىنى كەلتۈرۈپ چىقارغان بولۇپ، دەرس توختاتقان مەكتەپلەر سانى داۋاملىق ئېشىشى مۆلچەرلەنمەكتە. شۇ يەرلىك ھاۋارايىدىن ئالدىن مەلۇمات بېرىش تارماقلىرى قار شىۋىرغاننى 26-يانۋار كەچتىن باشلاپ ئاجىزلايدۇ دەپ پەرەز قىلغان.
|
ھةمكارلصشصڭ 
